Qurbani Ki Dua Or Tarika...

=GHAREBON KI QURBANI=

jo Qurbani ka IRADA kary wo Zul-Hijja ka Chaand dekhny sy Qurbani krny tk Naakhun Baal Na kaaty Na katwaye Taake Haajiyon sy qadry Mushaabihat ho jaye k wo log IHRAAM me Hajamat nahi kara sakty (ye Mustahib hy) or jo Qurbani Na kr skay wo bi is ASHRA me Hajamat Na kraye Baqar Eid k Din bad Namaz-e-Eid Hajamat kraye to (Qurbani ka) SAWAB payega. ( Sharah Mishkat J2 )

Qurbani Wajib hone ke ShariaEt:

 1. Muslim Hona, yaani Gair Muslim par wajib nahi
 2. Mukim hona, yani Musafir par kurbani wajib nahi
 3. Tawangar hona, yaha maldari se murad wahi hai jis se sadqa e fitr wajib hota hai, who nahi jis 
      se  zakat wajib hoti hai.
 4. Aazad hona, yaani ghulam par kurbani wajib nahi
 5. Mard hona uske liye shart nahi, aurto par wajib hoti hai jis tarah mardo par wajib hoti hai

Qurbani ke Masa’el:

 Musafir par kurbani wajib nahi, agar musafir ne kurbani ki ye nafal hai aur fakir ne agar na mannat mani ho aur na kurbani ki niyyat se janwar kharida ho, uski kurbani karna bhi nafal hi hai.
[Fatawa e Hind, Kitab ul Azahi, Jild 5, Page No. 251] [Aalamgiri] [Bahar e Shari’at, Jild 3, Hissa 5, Page No. 332]

Qurbani ke Janwar ki umr:

Kurbani k janwar ki umar ye honi chahiye: Oont 5 saal ka, gaay 2 saal ki, bakri ek saal ki. Us se umr kam ho tou kurbani jaiz nahi. Zyada ho tou jaiz balke afzal hai. haan dumba ya bhende ka 6 maah ka bacha agar itna bada ho ki door se dekhne me saal bhar ka lage tou uski kurbani jaiz hai. 

[Durre Mukhtar, Kitab ul Zahi, Jild 9, page nO. 533}

Qurbani ka Janwar:

 Bhenge Janwar ki kurbani jaiz hai. andhe janwar ki kurbani jaiz nahi. Aur kana jiska kana par zahir ho uski bhi kurbani jaiz nahi. Itna lagir ki jiski haddiyo me magz na ho aur langda jho kurbani gaah tak pane paao se na ja sake aur itna bimar jiski bimari zahir ho tou in sab ki kurbani jaiz nahi.
 
[Durre Mukhtar, Kitab ul Zahi, Jild 9, Page No. 535-537]

Mafhum-E-Hadis:

Mafhum-E-Hadis:
 ALLAH Ko Ashrah-e-Zull-Hijja Say Ziyada Kisi Din Mai Apni IBAADAT kiya Jana Itna Pasandidah Nahi,
Is Kay Her DIN ka ROZA Ek SAAL Kay Rozon Aur Her SHAB ka Qiyaam Shab-e-Qadar Kay Baraber hay.
 (Tirmizi Hadis:758) (Mishkaat Hadis:1387) Aap Bhi Rozay Rakhne ki Niyat Aur Koshish Karein